Сайт күпсанлы укучыларымның соравы буенча формалашты. Укучыларым ел саен төрледән-төрле фәнни-гамәли, фәнни-тикшеренү конференцияләрендә катнашалар. Китапханәче буларак, миннән ярдәм сораучылары да күп. Төрле сайтларымдагы татар мәгърифәтчеләре турындагы материалларымны аерым бер җиргә туплауны кирәк таптым. Бу укучыларыма вакытларын янга калдырырга да булыша, шулай ук алар үзләренә кирәкле материалларны эзләгәндә, бөтендөнья "пәрәвез челтәрендә"
"адашып" та йөрмиләр.
Бала чакта алынган тәрбияне соңыннан бөтен дөнья халкы үзгәртә алмас.
- Балаларга калдыра торган мирасларның иң кыйммәтлесе - дин өйрәтеп калдыру.
- Өмете беткән кешенең өмете - үлем генә.
- Бозык кешеләргә катнашмагыз, алар белән дошман да булмагыз.
- Дуслыгы саф булмаган кешеләр белән аркадаш булмагыз, мондый дуслыкка карганда һич дусларсыз тору яхшырак булыр.
- Адәм баласының шатлык һәм кайгы вакытларында таяныр кешесе - үзенең дуслары. Шуның өчен дусларны үзегезгә туры килә торган кешеләр арасыннан эзләгез.
- Дустанә мөгамәлә кылучыларның барысы белән дә дус булырга ашыкмагыз, ә үзегез яратмаган кешеләрнең барысын да дошман күрмәгез.